Fréttir úr körfuboltadeild hinna bestu.
Viðureign Texas liðanna Dallas og Houston verður ef að líkum lætur ein sú jafnasta og mest spennandi í fyrstu umferðinni í ár. Stórskotalið Dallas er óðum að tileinka sér betri varnarleik eftir þjálfaraskiptin og gaman verður að sjá hvernig þeim reiðir af gegn varnarsinnuðum grönnum sínum í Houston Rockets.
Það varpar óneitanlega skugga á þessa rimmu að lið Seattle Supersonics og Sacramento Kings, eru í miklum vandræðum með meiðsli lykilmanna sinna og því hafa margir hreinlega afskrifað möguleika þeirra á að ná langt í úrslitakeppninni.
Aðdáendur Chicago Bulls í NBA-körfuboltanum hafa fulla ástæðu til að fagna um þessar mundir en liðið vann sér inn sæti í úrslitakeppninni í fyrsta sinn síðan að stórstirnið Michael Jordan hætti hjá Bulls árið 1998.
Þetta einvígi er eitt af þeim áhugaverðari í fyrstu umferðinni í ár. San Antonio er af mörgum talið líklegasta liðið í úrslitin í Vesturdeildinni, en meiðsli Tim Duncan og sú staðreynd að Denver er eitt heitasta liðið í deildinni á síðustu vikum, gera það að verkum að þetta gæti orðið mjög jafnt einvígi.
Phoenix Suns státa af besta árangri allra liða í deildinni í vetur og enginn efast um að þar er á ferðinni stórkostlegt körfuboltalið. Lið Memphis á fyrir höndum það erfiða verkefni að halda niðri hraðanum á öflugasta sóknarliði deildarinnar.
Viðureign Boston Celtics og Indiana Pacers verður forvitnilegt einvígi, en margir hallast að því að Indiana liðið gæti komið á óvart í úrslitakeppninni. Liðið hefur orðið fyrir miklu mótlæti í vetur í kjölfar áfloganna frægu í Detroit í haust og mikil meiðsli hafa hrjáð lykilmenn þeirra í allan vetur.
Leiktímabilinu í NBA lauk í nótt og nú er endanlega ljóst hvaða lið raðast saman í úrslitakeppninni sem hefst á laugardaginn.
Allen Iverson og félagar í Philadelphia 76ers eru ekki öfundsverðir af því að mæta sjálfum NBA meisturum Detroit Pistons í fyrstu umferð úrslitakeppninnar. Fyrsti leikur liðanna verður sýndur á sjónvarpsstöðinni Sýn og hefst útsending klukkan 21:50.
Viðureign Chicago Bulls og Washington Wizards verður einvígi varnarliðs og sóknarliðs. Washington liðið hefur ekki unnið seríu í úrslitakeppni síðan 1982 og því er kannski á brattann að sækja fyrir liðið, sem hefur komið gríðarlega á óvart í vetur.
Við fyrstu sýn virðist einvígi Miami Heat og New Jersey Nets ekki ætla að verða spennandi, en liðin enduðu í fyrsta og áttunda sæti í Austurdeildinni og Miami hafði betur í öllum þremur viðureignum liðanna í vetur.
Philadelphia tryggði sér í gærkvöldi sæti í úrslitakeppni NBA-körfuboltans þegar liðið sigraði Milwaukee Bucks með 122 stigum gegn 106. Allen Iverson var maðurinn á bak við sigurinn, skoraði 39 stig og átti að auki 12 stoðsendingar. Philadelphia á möguleika á því að ná 6. sætinu í Austurdeildinni en það skýrist eftir síðustu umferðina sem verður annað kvöld.
Mikil barátta er milli New Jersey Nets og Cleveland Cavaliers um að komast í úrslitakeppnina í NBA-körfuboltanum. Liðin standa jöfn að vígi þegar tvær umferðir eru eftir.
Tólf leikir fóru fram í NBA í nótt og þar bar hæst að Allen Iverson hjá Philadelphia 76ers átti enn einn stórleikinn og ætlar ekki að láta sitt eftir liggja í baráttunni um sæti í úrslitakeppninni sem hefst eftir viku.
Lið Cleveland Cavaliers er í bullandi vandræðum þessa dagana og nú er ljóst að LeBron James og félagar verða að spýta í lófana ef þeir ætla ekki að missa af sæti í úrslitakeppninni, nokkuð sem virtist óhugsandi fyrir mánuði síðan.
Washington Wizards tryggði sér sæti í úrslitakeppninni sigri á Chicago Bulls á heimavelli, 93-82, í NBA-körfuboltanum í nótt.
Fimm leikir voru á dagskrá í NBA deildinni í körfuknattleik í nótt. Þar bar hæst slagur Philadelphia 76ers og Boston Celtics, en liðin eru í harðri baráttu um sæti sín í úrslitakeppninni.
