„Ég er ekkert að stressa mig yfir þessu," sagði Örlygur Smári sem er höfundur lagsins Je ne sais quoi ásamt Heru, eftir lokaæfinguna sem fram fór fyrr í dag.
Íslenski Eurovision hópurinn er í þessum töluðu orðum á leiðinni í Telenor höllina í Osló.
Eftir tæpa tvo klukkutíma rennur stóra stundin upp.
Vukasin Brajic, söngvarinn sem flytur framlag Bosniu Herzegovinu, Thunder and lightning, sem sjá má hér (Youtube) var áberandi afslappaður þegar við hittum hann í dag. Vukasin sendir Íslendingum kveðju eins og sjá má í myndskeiðinu.
Sigmar Guðmundsson þulur er yfirleitt einhvers staðar annars staðar en íslenski hópurinn og viðurkennir að stundum er starfið einmanalegt.
Íslenski Eurovision hópurinn sem staddur er í Osló er greinilega afslappaður þrátt fyrir þá staðreynd að stóra stundin rennur upp í kvöld. Þegar við mynduðum þau yfirgefa rútuna fyrir utan hótelið þeirra fyrir tæpri stundu voru þau skellihlæjandi eins og sjá má í myndskeiðinu.
Hera Björk handmálaði skóna sem hún notar í kvöld með Lóu systur, sem er framkvæmdastjóri hópsins.
„Ég vona náttúrulega að við vinnum. Engin spurning," segir Friðrik Ómar söngvari þegar við hittum hann í Osló í dag. Eurobandið, þau Friðrik Ómar og Regína Ósk, sungu fyrir fullu húsi í gærkvöldi á næturklúbbnum Latter í miðborg Oslóar Við spurðum hann út í tónleikana og sigurvissa Íslendinga.
Við hittum söngkonuna Sofiu Nizharadze frá Georgíu í Osló í dag. Í myndskeiðinu óskar Sofia Íslandi góðu gengi í úrslitakeppni Eurovision í kvöld. Hér má sjá framlag Georgíu.
Myndskeiðið var tekið fyrir 30 mínútum af íslenska Eurovisionhópnum fyrir utan hótelið sem þau dvelja á í Osló. Nú tekur klukkutíma hvíld við áður en þau leggja aftur af stað í rútu í Telenor höllina þar sem keppnin fer fram. Sjá má að vel liggur á mannskapnum.
Í byrjun myndbútsins má greinilega sjá tárvot augu Heru. Þá var hún nýbúin að senda syni sínum, Viðari Kára, kveðju heim til Íslands
Fjölskylda Heru, dóttir hennar, Þórdís Petra Ólafsdóttir, 12 ára, og foreldrar, Hjördís Geirsdóttir og Þórhallur Geirsson, senda hlýjar kveðjur til Íslands.
