Hækkanir á hlutabréfaverði Icelandair, sem greint var frá í dag, gengu til baka eftir því sem leið á daginn. Fyrir hádegi höfðu bréf í félaginu hækkað um rúm 5 prósent í tæplega 300 milljóna viðskiptum. Að loknum 632 milljón króna viðskiptum með bréf í félaginu í dag er verðið nú um 8,2 krónur á hlut, jafnhátt og það var við lokun markaða í gær.
Hlutabréf í Icelandair hafa hækkað um rúmlega 14 prósent í vikunni eftir mikla lækkunarhrinu á undanförnum mánuðum. Hlutabréfaverð í félaginu hefur alls fallið um 47 prósent á síðastliðnu ári.
Nokkuð var um hækkanir í Kauphöllinni í dag. Hagar hækkuðu um 3,33 prósent eftir tíðindi gærdagsins, en hlutabréf í Eik, Arion og Reginn hækkuðu einnig um 3 prósent. Hlutabréfaverð í HB Granda lækkuðu mest í dag, þó ekki nema um 0,63 prósent í 5 milljón króna viðskiptum.
Hækkun Icelandair gekk til baka
Tengdar fréttir
Telur ólíklegt að viðskipti með Icelandair verði stöðvuð vegna WOW
Í mjög sérstökum tilvikum hafa viðskipti verið stöðvuð í skamman tíma og nefnir forstjóri Kauphallarinnar sem dæmi dagana eftir efnahagshrunið árið 2008
