Mike McGrath, blaðamaður á Daily Telegraph, greinir frá þessu í morgun og segir að Hákon sé á leið til Brentford.
Brentford have agreed a fee for Iceland goalkeeper Hákon Valdimarsson. Swedish sources say the highly rated 22-year-old is set to move from Elfsborg to the Gtech Community Stadium on a permanent deal. More on @TeleFoot #BrentfordFC #Elfsborg
— Mike McGrath (@mcgrathmike) January 24, 2024
Hákon er eftirsóttur eftir frábæra frammistöðu með Elfsborg á síðasta tímabili. Hann var þá valinn besti markvörður sænsku úrvalsdeildarinnar.
Í síðustu viku greindi fótboltavéfréttin Fabrizio Romano frá því að bæði Aston Villa og FC Kaupmannahöfn hefðu boðið í Hákon. Samkvæmt heimildum Romanos var kauptilboð Villa hærra, eða í kringum tvær milljónir evra.
Hákon, sem er 22 ára, gekk í raðir Elfsborg frá Gróttu 2021. Hann hefur leikið 48 deildarleiki fyrir sænska liðið.
Hákon hefur spilað sjö leiki fyrir íslenska A-landsliðið auk tíu leikja fyrir yngri landsliðin.
Hollendingurinn Mark Flekken hefur verið aðalmarkvörður Brentford á þessu tímabili, eftir að Spánverjinn David Raya var lánaður til Arsenal. Brentford er í 14. sæti ensku úrvalsdeildarinnar.
