Fyrir leikinn voru bæði lið á miklu flugi en Valur var í efsta sætinu með 26 stig á meðan Fram var í þriðja sætinu með 20 stig.
Gestirnir í Fram áttu nokkuð góða byrjun á leiknum en þetta var eini kaflinn í leiknum þar sem liðið náði að vera með forystuna, til dæmis í stöðunni 4-6. En eftir þann kafla fór toppliðið á flug.
Næstu sex mörk leiksins komu frá Valskonum og var staðan orðin 10-6 þegar fyrri hálfleikurinn var hálfnaður. Valur skoraði síðan sex mörk til viðbótar og Fram þrjú áður en fyrri hálfleikurinn var allur. Staðan 16-9 í hálfleik.Versti kafli gestanna í Fram kom í byrjun seinni hálfleiksins þegar liðið skoraði ekki mark fyrstu tíu mínúturnar á meðan Valur hélt uppteknum hætti og tók Einar Jónsson því leikhlé í stöðunni 20-10. Einar lét sínar stelpur heyra það.
Það leikhlé kom markaskorun Fram í gang í seinni hálfleiknum en það kom hins vegar ekki í veg fyrir markskorun Vals og því var munurinn yfirleitt tíu mörk á liðunum og urðu lokatölur 30-20 í N1-Höllinni
Afhverju vann Valur?
Það er einfaldlega ekki hægt að deila um það að leikmannahópur Vals er sá sterkasti í deildinni og gæðamunurinn á liðunum sást augljóslega í kvöld. Versti kafli Fram í byrjun seinni hálfleiks var samt sem áður óásættanlegur og kom í veg fyrir mögulega endurkomu gestanna.
Hverjar stóðu upp úr?
Hildigunnur Einarsdóttir átti frábæran leik á línunni fyrir Val og skoraði sex mörk. Eins og venjulega átti Thea Imani og Lilja Ágústsdóttir frábæran leik einnig.
Hvað fór illa?
Fyrstu tíu mínútur fyrri hálfleiksins voru óásættanlegar og leikmenn Fram vita það hvað best.
Hvað gerist næst?
Fram mætir ÍR í næsta leik liðsins á föstudaginn eftir viku en Valur fer norður og mætir KA/Þór á laugardaginn daginn eftir.
