Fundurinn hefst klukkan 17 á Kex Hostel við Skúlagötu 28 í Reykjavík og lýkur klukkan sex.
Rætt verður um þá fjárfestingu sem felst í að koma íslensku tónlistarfólki á framfæri erlendis og hver greiði fyrir slíkt. Þá verður farið yfir tekjur í tónlistarheiminum í dag og þá breytingu sem orðið hefur á undanförnum árum.
Fundarstjórar eru Máni Pétursson, umsjónarmaður Harmageddon, og Björn Berg Gunnarsson, fræðslustjóri VÍB.
Í umræðum taka þátt Sigtryggur Baldursson, framkvæmdastjóri Útflutningsskrifstofu íslenskrar tónlistar, María Rut Reynisdóttir, umboðsmaður Ásgeirs Trausta, Hjálma og fleiri hljómsveita og framkvæmdastjóri Íslensku tónlistarverðlaunanna, Björgvin Ingi Ólafsson, framkvæmdastjóri hjá Íslandsbanka og Stefán Hjörleifsson, tónlistarmaður og stofnandi Tónlist.is.