Deildin hefur fengið nafnið TGL og er rekin af TMRW Sports sem er tæknifyrirtæki í eigu Tiger Woods og Rory McIlroy sem var sett á laggirnar í ágúst 2022.
Andy Vermaut shares:TGL: Tiger Woods and Rory McIlroy's golf venture and what you need to know: An indoor "high-tech golf league" - launched by Tiger Woods and Rory McIlroy and backed by Stephen Curry and the Williams sisters - starts on 9 https://t.co/265DOVEIqX Thank you pic.twitter.com/o6gCpJ9jSF
— Andy Vermaut (@AndyVermaut) October 31, 2023
Sex lið verða í deildinni með fjóra kylfinga hvert. Þau mætast einu sinni hvert í deildarkeppni. Aðeins þrír af fjórum kylfingum hvers lið keppa hverju sinni.
Fimmtán af tuttugu efstu mönnum heimslistans eru meðal þeirra 24 kylfinga af bandarísku mótaröðinni sem hafa skráð sig til leiks á fyrsta tímabilið. Deildin fer af stað þriðjudaginn 9. janúar 2024 næstkomandi.
Fimm lið hafa þegar verið tilkynnt og bera nafn stórborga í Bandaríkjunum eða Atlanta, Boston, Los Angeles, New York og San Francisco. Curry kemur nálægt liðinu í San Francisco þar sem hann býr og spilar með Golden State Warriors.
Tiger's and Rory's TGL announced its format and points system, while JT was the first to announce a team affiliation.https://t.co/lA8i8rSExT
— Golf Central (@GolfCentral) October 31, 2023
Allir leikirnir verða sýndir í beinni útsendingu í bandarísku sjónvarpi en þeir eru spilaðir í The Sofi Center sem er á Palm Beach í Flórída. Hver viðburður mun taka um tvo klukkutíma.
Hver leikur skiptist í tvo hluta. Í fyrsta hlutanum, sem telur níu holur, skiptast þrír meðlimir liðsins að slá. Í seinni hlutanum verða sex holur þar sem hver kylfingur í liðinu spilar tvær holur á móti kylfingi úr hinu liðinu. Stig eru gefin fyrir að vinna holu og það lið sem fær flest stig vinnur.
Alls fara fram fimmtán leikir í deildinni en fjögur efstu liðin komast í undanúrslit þar sem sigurvegarar komast í úrslitaeinvígið þar sem þarf að vinna tvo leiki til að verða meistari.
Serena og Venus Williams, Stephen Curry og eigendur Liverpool í Fenway Sports fjárfestingahópnum eru meðal bakhjarla deildarinnar.
Tiger Woods and Rory McIlroy's new golf league TGL have announced their rules and format
— Sky Sports News (@SkySportsNews) October 31, 2023
The new-look competition is set to get underway in January pic.twitter.com/CmlxgDkvFj