Doncic var að svara spurningum fjölmiðla eftir öflugan 119-110 útisigur Dallas á Oklahoma City Thunder, í undanúrslitum vesturdeildar NBA-deildarinnar, þegar kynlífshljóð frá konu heyrðust í hátalarakerfinu og trufluðu fundinn.
Wtf is going on at Luka’s press conference?? pic.twitter.com/6cl18VH5CA
— Barstool Sports (@barstoolsports) May 10, 2024
Doncic glennti upp augun á meðan hann tók nokkrar sekúndur í að átta sig á hvað væri í gangi, og horfði svo niður á meðan hann reyndi að halda aftur af hlátrinum yfir þessu óvenjulega atviki.
Nokkuð var hlegið í salnum og ekki síður þegar Slóveninn sagði: „Vonandi er þetta ekki að gerast í beinni.“
Bandarískir miðlar segja ekki ljóst úr hvaða tæki stunurnar bárust í hátalarakerfið.
Doncic skoraði 29 stig og tók tíu fráköst í leiknum og Dallas jafnaði metin í einvíginu í 1-1. Næsti leikur er í Dallas í kvöld en óvíst er hvort og hve mikinn þátt Doncic tekur vegna meiðsla í hné og ökkla.
