Það er löngu vitað að það verða miklar breytingar á leikmannahópi Man Utd í sumar og það virðist sem Ten Hag ætli sér að laga vandamálin á miðsvæði liðsins. Liðinu sárlega vantar djúpan miðjumann og þá þarf að fylla skarðið sem Paul Pogba skilur eftir sig, inn á vellinum þar að segja.
Ten Hag vill fá samlanda sinn Frenkie de Jong frá Barcelona en þeir unnu saman hjá Ajax. Það er hins spurning hvort Man Utd þurfi annan hollenskan miðjumann en Donny van de Beek hefur ekki sjö dagana sæla á Old Trafford. Þá vildi Frenkie lítið hafa með Manchester-borg er hann lék með Ajax, hann er einfaldlega ekki hrifinn af veðrinu.
Hinir tveir leikmennirnir eru töluvert þekktari stærðir innan enskrar knattspyrnu en orkuboltinn N´Golo Kanté á aðeins ár eftir af samningi sínum við Chelsea og vill Ten Hag athuga hvort Chelsea gæti freistast til að selja franska miðvallarleikmanninn fyrir rétt verð.
Eina sem gæti aftrað mögulegu kauptilboði er meiðslasaga hins 31 árs gamla Kanté en hann lék aðeins 26 deildarleiki á nýafstaðinni leiktíð. Alls tók hann þó þátt í 42 leikjum í öllum keppnum.
N Golo Kanté's contract expires next year and Manchester United, desperate to strengthen their midfield, are keen to find out whether the France international could be sold this summer.
— Guardian sport (@guardian_sport) May 28, 2022
By @JacobSteinberg https://t.co/dffsi5rHsk
Þá horfir Man Utd hýru auga til Wolverhampton þar sem hinn 25 ára Rúben Neves leikur listir sínar með Úlfunum. Þekktur fyrir sín þrumuskot og þá er almenn vitneskja að Neves geti spilað fyrir stærra leið en Úlfana.
Neves lék með Porto í Meistaradeild Evrópu áður en hann tók þá undarlegu ákvörðun að færa sig um set til Wolverhampton árið 2017 þegar Úlfarnir léku í ensku B-deildinni. Ljóst er að hann mun ekki leika með Man Utd í Meistaradeild Evrópu á næstu leiktíð en orðið á götum Englands segir að Barcelona hafi einnig áhuga á leikmanninum.
Vilji Neves spila í Meistaradeild Evrópu mun hann færa sig um set til Katalóníu en ef honum líkar við veðurfarið á Englandi mun hann færa sig til Manchester-borgar.
Ruben Neves Manchester United?
— BBC Sport (@BBCSport) May 28, 2022
Ruben Neves Barcelona?
The papers say #MUFC are on the verge of making a final push to sign the Wolves player... but Barcelona are also interested.
More #BBCFootball
Sama hvað er ljóst að Erik ten Hag ætlar að hrista upp í hlutunum hjá Man United og kæmi lítið á óvart ef liðið myndi mæta með nýja miðju til leiks næsta haust.